瘦身第一击打破节食迷思
我将兴趣系钻研同健康有关，仲要加埋理性分析，打破一些想当然的迷思。近排天气回暖，身边的女同事都急住将臃肿的厚大衣除低，大晒短裙春装，但系成个冬天积积埋埋的赘肉，认真令人苦恼，所以我急急同大家介绍「春天瘦身第一击」。
芹菜魔芋低能量高纤
除咗用少油少甜多蔬菜的老生常谈减肥规矩，今年春季不妨搞些创意，做些唔使捱饿，又唔会营养不良的健康减肥行动。我要求好高，就系又要赘肉远离我，又唔好畀体重急速反弹，最重要系拣些低能量、但含丰富膳食纤维的食物。芹菜同魔芋就系其中一些低能量高纤的食物，食得多都唔会有增磅危机，减肥的时候又唔怕要捱肚饿，另外一推荐是低能量食物有冬瓜、海带同黄瓜，可以抵抗脂肪量吸收。
减肥仲要识得其他招数，严格控制盐的摄取量，每日唔能够多过六克；肉类最好用蒸、炖、焗同埋烧的方法去煮；蔬菜就不妨生食，若带饭盒返工，避免带隔夜餸，因为食物的营养会降低，最好拣新鲜的食材。
打破减肥的错误迷思，至可以成功瘦身，例如一日三餐要食得准时，少吃一餐减少热量其实唔多，反而空肚的时间太长，再食的时候就容易食得太多，所以一定要少食多餐。仲有呀，记住要慢慢食，如果食得太快，个脑跟唔上，搞到食得太饱都唔知，到个脑知饱 时候已经太迟喇！
